दिवाळीनिमित्त आदिवासी कुटुंबांना धान्याचे वाटप

NewsZenn Nov 9, 2020 901 0

पाड्यावर आनंदाचा क्षण
पाड्यावरील आदिवासी कुटुंबांना प्रकाशाचा सण साजरा करता यावा,त्यांच्याही घरात फराळ तयार व्हावा या उद्देशानं मातृभूमी प्रतिष्ठानतर्फे कळकराई येथील पाड्यावरील बांधवांना धान्याचे वाटप.

पिंपरी: मातृभूमी प्रतिष्ठानतर्फे कळकराई येथील आदिवासी पाड्यावरील बांधवांना दिवाळीनिमित्त धान्याचे वाटप करण्यात आले. पाड्यावरील घरोघरी आकाश कंदील लावण्यात आले. कळकराई हे गाव खेड, मावळ आणि कर्जत या तालुक्‍याच्या सीमेवर आहे. कळकराईत जाण्यासाठी सावळापर्यंत रस्ता आहे. त्यापुढे डोंगराला पाच किलोमीटरचा वळसा घालून धबधब्याच्या रस्ता पार करावा लागतो. जंगलातील अत्यंत खडतर पाय वाटेने कळकराई गावात जाऊन प्रतिष्ठानने धान्य वाटप केले. सावळा गावापासून धान्य कळकराईपर्यंत नेण्यासाठी गावातील कार्यकर्ते व प्रतिष्ठानच्या सदस्यांनी हातभार लावला. गावातील सर्व कुटुंबांना एकत्र जमवून दिवाळी भेट आणि धान्य वाटप करण्यात आले. विद्यार्थ्यांना वही-पेन्सिल खोडरबरचे वाटप करण्यात आले. शिववंदना घेऊन लहान मुलांबरोबर फटाके वाजवून कार्यक्रमाचा समारोप झाला.